... na Internet.
Os rapaces e rapazas de 4º de Primaria están a estudiar sobre o corpo humano. Por iso, cada equipo cooperativo ten elixido unha especialidade médica para investigar.
Aproveitamos a clase de TIC desta mañá para informarnos sobre os endocrinos e os traumatólogos. Tiñamos que buscar os nomes dalgún especialista famoso destas especialidades.
Cando escribiamos datos na barra de busca recibiamos unha serie de resultados. O noso impulso inicial era abrir o primeiro deles. Sen embargo, démonos conta axiña de que se trataba de páxinas publicitarias de clínicas médicas, que dificilmente ofrecerían unha información obxectiva.
Así que decidimos pasar ás páxinas seguintes. Nalgunha ocasión atopamos artigos de periódicos nos que se informaba sobre o éxito dalgún médico. Tamén na wikipedia atopamos información sobre algún feito relevante da historia desas especialidades.
Mais... xa aprendimos bastante:
- Hai que saber elixir as palabras - clave para escribir na barra de busca.
- O primeiro resultado non adoita ser o mellor.
- Temos que recoñecer quen ofrece a información: trátase de publicidade, ou de información da prensa?
- A wikipedia non é totalmente fiable, pero pode darnos pistas para o noso traballo.
Comentarios
Publicar un comentario